CSR Pisiffik.gl | Butik Gl

CSR nalunaarusiaq tamaakkiisoq uani atuaruk

NERISASSAT, AVATANGIISEQ INUILLU

Piujuartitsineq inuiaqatigiinnullu akisussaaffik Pisiffiup suliniutigiuaannarnikuuaa. Nuannaarutigaarpullu peqatigiiffinnut Kalaallillu Nunaanni najukkani aaqqissuussanut pisunullu assigiinngitsunut tunniusseqataallutalu tapeeqataasinnaagatta.

"ILUATSITSILLUARNEQ ANGUNIASSAGAANNI SULIFFEQARFIK INUIAQATIGIINNUT NALEQARSITSILISSAAQ"

Pitsaanerusumik angusaqarnissarput neriuutigaarput. Allanngueqataasinnaanermut ukkatarinninnerput naammannikuunngilaq. Suliniutitta iluaqutaasimanerisa malinnaaffiginissaannut pitsaanerorusuppugut.

Pisiffik iluatsilluartumik suliaqassaguni inuiaqatigiit akilersinnaasumik ingerlatsineq atorlugu naleqalersitsissaaq. Tamannalu nunarsuarmi avatitsinni ineriartorfiit nalimmassarfiginerisigut taamaallaat pisinnaavoq.

Ukiuni qaangiuttuni Kalaallit Nunaanni niuerniarfinni annerpaatut qanoq isiornikkut inuiaqatigiinni innuttaasut, najukkat avatangiisillu pitsaanerusumik sullissinnaaneri eqqumaffiginerusimarput.

Oqaaseq piujuartitsineq siammasissumik imaqarpoq, tassungalu tunngasut tamarmik pingaaruteqarlutik. Imarisaali tamaasa nammassisinnaanngilagut.

Pisiffimmi aalajangersimavugut suliniutigut inuaqatigiinni suliffitsinnilu nutaaliofiusinnaasunut allannguisinnaasunullu tunngasuussasut.

Uani nalunaarusiami peqqissaarussamik misissuineq aallaavigalugu Pisiffiup piujuartitsineq pillugu suliniutigisai atuarsinnaavatit, taanna taaguusersimavarput ’NERISASSAT, ATAVATGIISEQ INUILLU’.

Neriuppugut nalunaarusiaq pisisartutsinnut, sulisutsinnut, pisiortorfitsinnullu allanut attuumassutilinnut isumassarsiorfiusinnallunilu ataatsimut isigalugu Kalaallit Nunaanni piujuartitsinerup ineriartorneranut tunngatillugu suliniutigut allanngueqataallutillu iluaqutaasinnaassasut.

Per Steen Larsen
Adm. direktør Pisiffik A/S

KALAALLIT
NUNAANNI INUIAQATIGIINNUT
AKISUSSAAFFEQARPUGUT

FN-ip nunarsuarmi anguniagaasa akuerineqarnerini nunarsuarmi inuiaqatigiinni unammilligassat ukkatarineqalerput. Nunarsuarmi anguniagassat 17-iusunit, anguniagassallu immikkoortuini 169-isunit, aningaasaqarnikkut, isumaginninnikkut avatangiisinullu piujuartitsisumik ineriartornissamut pisariaqartitat suuneri ersersinneqarput. Taakkununnga tunngasorpassuit aamma Kalaallit Nunaani atuupput.

Nunarsuarmi anguniagassat sumi qanorlu suliffeqarfittut isumaginninnikkut, aningaasaqarnikkut avatangiisitigullu piujuaannartumik ineriartortitsinissatsinnik paatitssuupput. Taakkulu aallaavigalugit maanna Pisiffimmi piujuartitsineq pillugu suliatsinni alloriarpugut. Piujuartitsineq pillugu periusissiatsinni takorluukkagut annertullutillu ersarissuupput. Taakku ataatsimut isigalugit Pisiffiup suliffeqarfittut inuiaqatigiinni piujuartitsisumik ineriartortitsinerup ilorraap tungaata aallarnissaanut tunngatillugu sunneeqataaffigisinnaanissaannut tunngapput.

Ataani 2025-p 2030-llu tungaannut angusaqarfigerusutagut anguniakkagullu atuarneqarsinnaapput.
Quppernerni tulliuttuni 2025-p 2030-llu tungaannut angusaqarfigerusutagut anguniakkagullu atuarneqarsinnaapput.

PISIFFIUP PIUJUARTITSINERMUT
TUNNGATILLUGU PILERSAARUSIAI

Piujuartitsinermut tunngatillugu pilersaarusiami NERISASSAT, AVATANGIISEQ INUILLU-mi suliniutigut katersorpagut. Taamaasiorpugut Pisiffik tassuunakkut tunniussinissaminut nukissaqarmat aammalu inuiaqatigiinni allanguut pisarialik kissaatigineqartorlu anguniarlugu.

Pisiffimmi iliuusissiortumik attassisumillu suliaqarusuppugut uku anguniarlugit:

• Pisisartutta pisiniarnerminni peqqinnartunik toqqaanissaat ajornannginnerullunilu pilerinarnerunissaa.
• Inuiaqatigiittut imigassartalinnik akisussaassuseqarnerusumik atuisinnaanerup siuarsarnera.
• Pisiniarfitsinni nerisassanik maangaannartitsineq annikillisarniarlugu akisussaassuseqartumik nerisassanik atuinissaq.
• Innaallagissap atornerata annikillisinnerisigut allanngortinneratigullu silaannaap allanngoriartornera akiorniarnera.
• Kalaallit inuussutissatigut nioqqutissaasa ineriartornerannut tapersiinikkut Kalaallit Nunaanni suliffitsigut aningaasatigullu ineriartortitsinermi tapersiineq.
• Suliffiup tatiginartunik nalerisimaartunillu sulisoqarniassaa anguniarlugu sulisut suliffimminni nalerisimaarnerisa qaffannissaa

Oqimaappallaarneq Kalaallit Nunaanni annertusiartuinnarpoq, ukiullu qulikkaartut ikittuinnaat ingerlanerini oqimaappallaarujussuartut amerliartorlutik. Taamaammat ullumikkut anigorsinnaanngisaminnik nappaateqartut amerlapput, ilaatigut sukkortuullutik uummatimikkut taqqamikkullu nappaateqarlutik. Nerisat imertakkallu peqqissutsimut isumalerujussuupput, tamakkulu pisiniarfitsinni pisiarineqarsinnaapput. Taamaammat aamma niuerniarnermi peqqinnarnerusunik pisiassaqartitsineq ajornaannerulersissinnaavarput, sulissutigissavarpullu. Erseqissarlugu iliuuseqarfiginiakkagut marluupput: peqqinnartunik toqqaasinnaaneq akisussaassuseqartumillu aalakoornartunik atuineq.

PEQQINNARTUMIK
TOQQAANEQ

Pisiffiup nunarsuarmi anguniagaq nr. 3 (Peqqissuseq atugarissaarnerlu) inuiaqatigiit peqqinnerulernissaannut tunngasuusoq taperserusuppaa. Kalaallit peqqinnerulernissaat tapersersorniarlugu pisortaniillu nerisaqarnissamut innersuussutit qulit naapertorlugit pisisartugut naatitanik, inerititanik, aalisakkanik qalerualinnillu kiisalu nioqqutissat nøglehulsmærkilinnik pisinissaannut isumassarsitillugillu kajumissaarusuppagut.

Nunarsuarmi anguniagaq:
Nunarsuarmi anguniagaq nr. 3.

Angusaqarusussuseq:
Pisiffiup Nunarsuarmi anguniagaq nr. 3 inuiaqatigiit peqqinnerulernissaannut tunngasuusoq pisisartut kaammattornerisigut inuussutissanik peqqinnarnerusunik pisinissaannut taperseerusuppugut.

Siunnerfik:
Pisisartunut pisiniarnermi ajornannginnerusumik pilerinarnerusumillu peqqinnartunik toqqaasinnaanissaq. Siunnerfik Pisiffiup pisiniarfiinut (Pisiffik, AKIKI aamma SPAR) illoqarfinni arfiniliusuniittunut tamanut atuuppoq.

Nerisassat peqqinnartut uani ima inissinneqarput:
» Inuussutissat nøglehulsmærkillit
» Naatitat inerititallu nutaajusut aammalu qerisuusut
» Aalisakkat qaleruallillu nutaajusut aammalu qerisuusut

Anguniagaq:
Nioqqutit peqqinnartut tunisaanerisa 2030-p tungaanut 10%-imik isertitatigut qaffannissaat.

KNI/Pilersuisoq, Pisiffik, Brugseni Paarisallu akornganni suleqatigiinneq 2020-mi maj-imi suliffeqarfiit ataasiakkaat Paarisallu akornganni isumaqatigiissutigineqartoq 2030-p tungaanut atuuttussaavoq.

Taakku sisamat suleqatigineqartut ataatsimoorluni suleqatigiinnermut ilanngutissapput. Immikkoorluni anguneqarsinnaasunit ataatsimoorlutik angusaqarnerujussuusinnaagamik taama suleqatigiinniarlutik aalajangerput. Ajornartorsiutit aaqqikkuminaatsut, assersuutigalugu inuiaqatigiinnik peqqinnerulersitsiniarneq, ataasiinnarmit aaqqinneqarsinnaanatik akimut suleqatigiittunit amerlasuunit taamaallaat aaqqinneqarsinnaanerat aallaavigalugu suleqatigiittoqassaaq.
Niuertarfiit ulluinnarni unammilleqatigiittaraluartut suleqatigiinnermi inuunerinnerup siammarsarnissaanik ataatsimoorluni suleqatigiinnissaq siunissamillu peqqiffiunerusumik atugarissaarfiunerusumillu anguniagaqarnissaq isumaqatigiissutigineqarpoq.

Suleqatigiinneq ataatsimoorussamik nutaamik ilisarnaateqalissaaq, assitarissavaa pisiniarnermi koori peqqinnartunik imalik imalu allannilik: Kattulluta inuuneritta / Sammen om det gode liv.
Suleqatigiit taakku sisamat sinerissami tamaniipput, innuttaasut tamaasa taamaalillutik peqqinnartumik inooriaaseqarnermik pitsaalluinnartumillu inuuneqarnermik siuarsaasunik suliniutinik, neqeroorutinik, isumassarsiorfissanik siunnersuutinillu anngussivigineqarsinnaassapput.

Suleqatigiinnerput pillugu nalunaarusiaq kingulleq atuaruk

AALAKOORNARTORTALINNIK
AKISUSSAASSUSEQARTUMIK
ATUINEQ

Pisiffiup Nunarsuarmi anguniagaq nr. 3 akisussaassuseqarluni aalakoornartortalimmik imigassartornerup siuarsarneratigut taperserusuppaa. Kalaallit Nunaata peqqinnerunissaa anguniarlugu Pisiffimmi pisisartut imigassanut aalakoornartortalinnut taarsiutaasinnaasunik pisinissaannut kajumissaarinikkut taperseerusuppugut.

Nunarsuarmi anguniagaq:
Nunarsuarmi anguniagaq nr. 3.

Angusaqarusussuseq:
Pisiffik Nunarsuarmi angunikkamut nr. 3-mut akisussaassuseqartumik imigassamik aalakoornartortalinnik atuinerup siuarsarneratigut taperseerusuppoq.

Siunnerfik:
Najoqqagassat imigassat aalakoornartortaqanngitsut tuniniarnerisa amerlilernissaat. Siunnerfik Pisiffiup pisiniarfiinut tamanut (Pisiffik, AKIKI aamma SPAR) illoqarfinni arfiniliusuni tamani atuuppoq.

Anguniagaq:
Toqqagassat aalakoornartortaqanngitsunut kaaviaartitat 2023-mut naleqqiullugu ukiumut 10%-nik qaffariarnssaat.

INUIT – Qulequttat pingajuat. ’Inuit’ marlunnik suliassaqarfeqarpoq tassaasut sulisut atugarissaarnerat kiisalu najukkani pisiorforfiit suliffiillu. Suliassaqarfiit taakku marluk toqqarneqarput isumaqaratta suliffeqarfiup iluani sulisugut avataanilu pisiorforfiit akuuffigisagut eqqarsaatigalugit inunnut annerusumik allanngueqataasinnaasuusut.

NAJUKKANNI PISIORTORFIIT
SULIFFIILLU

Nunarsuarmi anguniagaq:
Nunarsuarmi anguniagaq nr. 4.

Angusarerusutaq:
Pisiffik Nunarsuarmi anguniagaq nr.4-mut, kikkut tamarmik ilinniartitaanermut pitsaassusilimmut inuunerlu naallugu ilinniagaqarsinnaanerannut periarfissaqartinnissaannut tunngasumut taperseerusuppoq Pisiffiullu Mentoreqartitsinera ineriartortillugu.

Siunnerfik:
Pisiffik A/S-imi Nunarsuarmi anguniagaq 4 – Pitsaassusilimmut ilinniartitaanermut taperseerusuppoq mentorit menteellu amerlinissaat sulissutiginerisigut. Mentoreqartitsinitsinni sulisut inuusuttut mentoreqalernissaminnut periarfissaqarput, taakkulu ineriartornermut ikorfartuissallutillu suliffeqarnermi allartilluarnissamut ikiortaassapput. Suliniut taanna pitsaatsumik sulinermi avatangiiseqarnissamut pingaartitsinermi suliaqarnitsinni inuusuttullu iluatsinnissaminnut ilikkagaqarnissaminnullu tunngaveqarluarnissaata qulakkeernissaannut pingaartipparput.

Anguniagaq:
Ukioq 2025-mi Pisiffimmi inuit 25-it mentorinngornissaat mentoriuarnissaasalu angunissaa, aaqqissuussarlu pillugu ilisimasqalersitsilluni siammarteralunilu menteet amerlisinnissaat.

Verdensmaal-17-ikoner-CMYK-13-08-2025-09_32_58_337-13

Marlunnik suliniutinut tunngasuuvoq: nukinnik atuineq piujuartitsinissamullu saqinneq kiisalu nerisassanik maangaannartitsineq. Suliniutit taakku toqqarpagut isumaqaratta piujuartitsinissamut ineriartornermut siuarsaaqataasinnaalluta, nukiit maangaannartinnginnissaat silaannaallu allanngoriartornera arriillisinniarlugit.

Pisiffiiup Nunarsuarmi anguniagaq nr. 13. (Piujuartitsumik nukissiorneq) tassungalu atatillugu Kalaallit Nunaata Parisimut isumaqatigiissutaa ilanngullugu taperserusuppaa.

Nunarsuarmi anguniagaq:
Nunarsuarmi anguniagaq nr. 13.

Angusaqarusussuseq:
Pisiffik Nunarsuarmi Anguniakkamut nr. 13-imut taperseerusuppugut nukissiuutinik atuinerup annikillisinneranik silallu pissusianut iluaqutaanerusunngorlugu allannguinikkut.

Siunnerfik:
Pisiffiup nikinik atuinerup annikillisinnissaanik anguniagaqarpoq, tamannalu ingerlatsinerup pitsaanerulerneratigut atortullu nutaanngilisut taarsernerisigut pissaaq. Aammattaaq silap pissusiata iluarsaannissaa pitsaanerulernissaalu pingaartillugu nukissiuutit atorgit ingerlaneq qulakkiissavarput. Ingerlatsinermi atortut ajornanngikkaangat nukissiuutinik piujuartitsisunik taarserassavagut, taamaaliornikkut silap pissusaanut sunniutaasinnaasunut annikillisaaqataassaagut. Siunnerfik maannanut Scope 1-mut (toqqaannartumik aniatitsisneq – (ikummatissanik atuineq aamma uuliamik ikummatissamik atuineq) aamma Scope 2-mut (toqqaannanngitsumik aniatitsineq (innaallagiaq kiassarnerlu) tunngapput.

Siunnerfiit illoqarfinni arfiniliusuni Pisiffiup pisiniarfiini tamani atuupput – taamaalillutik pisiniarfiit arealiini, lageriini, allaffiini tamani atuulluni, pigisarigutsigit attartorsimagutsigilluunniit. Siunnerfiit ingerlatsinermut atortunut pigisanut leasikkanulluunniit tamanut aamma atuupput. Arealit attartukkat sulisullu angerlarsimaffii ilaanngillat.

Anguniagaq:
Ukiumut 2023-mut anguniagaq ingerlanneqareersut naatsorsorneqareerpata kiisalu ilanngunneqarsinnaasut allannguutaasinnaasullu aalajangiunneqareerpata aalajangerneqassaaq.

NERISASSANIK
MAANGAANNARTITSINEQ

csr//71860adbd389832a70779dd90f942ff6-min

NERISASSANIK
MAANGAANNARTITSINEQ

Pisiffiup Nunarsuarmi anguniagaq nr. 12 (Akisussaassuseqartumik atuineq nioqqutissiornerlu) nerisassat maangaannartinnerisa annikillisinnerisigut taperserusuppaa.

Nunarsuarmi anguniagaq:
Nunarsuarmi anguniagaq nr. 12.

Angusarerusutaq:
Pisiffik Nunarsuarmi anguniagaq nr. 12 Kalaallit Nunaanni nerisassanik maangaannartitsisarnerup annikinerisigut akisussaassuseqartumik nerisassanik atuinermut siuarsaaqataasussamut taperserusuppoq.

Siunnerfik:
Nerisassanik maangaannartitsisarnerup annikillinerisigut Pisiffiup silaannarmut avatangiisimullu sunniutaasa annikillinissaa tassuunakkullu isertitatigut amerlileeqataasussaasuusoq siunnerfiuvoq. Anguniagaq Pisiffiup nerisassaarniafiini (Pisiffik, AKIKI aamma SPAR) illoqarfinni arfiniliusuni tamani atuuppoq.

Anguniagaq:
Nerisassanik maangaannartitsinerup nerisassanik tunisanit isertitani 0,094%-iusumit (2021) kingusinnerpaamik 2025-mi 0,6 %-imut annikillinissaa, taassumallu saniatigut 2030-p tungaanut ataannissaa.

SULISUT ATUGARISSAARNERAT

Nunarsuarmi anguniagaq:
Nunarsuarmi anguniagaq nr. 8

Angusarerusutaq:
Pisiffiup Nunarsuarmi anguniagaq nr. 8 suliffiit ileqqorissaartut aammalu sulisut atugarissaarnerisigut aningaasatigut ineriartortunut tunngasoq taperserusuppaa.

Siunnerfik:

Sulisut ataavartut amerliartornissaat, sulisut taarserarnerisa (POH)-p (sulisut taarserarnerisa sukkassusaa) annikillinissaat kiisalu sulisut nalerisimaarnisa annertulinissaa anguniagaapput. Anguniagaq Pisiffiup pisiniarfiutaanut 53-iusunut tamanut kiisalu qullersaqarfimmilu sulisunut tamanut atuuppoq. Sulisut uani tassaapput Pisiffiup qullersaqarfiani, quersuini, nioqqutissiorfiini pisiniarfiinilu atorfillit ullullu ilaannaa suliffillit. Ukioq kaajallallugu agguaqatigiisillugu atorfik qasseriarluni inummik aalajangersimasumik inuttaqarsimannginnera aallaavigalugu sulisut qanoq taarserartiginerat naatsorsorneqartarpoq (POH1). Taassuma saniatigut agguaqatigiisillugu Pisiffimmi sulisut tamarmik nalerisimaarnerat naatsorsorneqartarpoq (POH2). Sulisut nalerisimaarnerat ukiumut ataasiarluni misissorneqartarpoq kisitsisit 1-miit 10-mut tunngavigalugit nalilerneqartarluni.

Anguniagaq:

Pisiffiup atorfiini tamani 41%-it inummik ataatsimik ukioq naallugu atorfigisineqarsimapput, 2021-milu atorfiit 59%-ii allanngortinneqarsimallutik. 2020-mi atorfiit aalajangersimasumik inuttallit 47%-iusimapput. Sulisut aalajangersimasut amerlinissaat anguniagaavoq, taamaalilluni 2025-mi aalajangersimasumik sulisut atorfillillu taarserartunik inuttallit imminnut naleqqiullutik 55/45-nngorniassammat. 2020-mi Pisiffiup POH1-a 3,71-iusimavoq 2021-milu 3,33-iusimalluni. Tamanna pisiffiup anguniagaa Pisiffimmi 2021-mi atorfiit ullut 109-kkaarlugit taarserneqarsimasut 2025-mi ullunut 148-nut appassasutut naatsorsorneqarsinnaavoq. POH2-p ukiut sisamat ingerlanerini 1.40-mut apparnissaa anguniagaavoq. 2020-mi Pisiffiup POH2-a 1,68-imiissimavoq. 2021-imilu 1,97-imiilluni. Ataatsimut isigalugu 2021-mi Pisiffimmi sulisut taarserarnerisa sukkassusaata 1,97-iusimanerata assigaa atorfik ataaseq ukiumut marloriarluni nutaamik sulisumik taarserneqartarsimasoq, tassa imaappoq, atorfik missingersorlugu qaammatit arfinilikkaarlugit nutaamik inuttaqalersimavoq. Pisiffimmi atorfiit agguaqatigiisillugu ullut 260-kkaarlugit, tassa qaammatit qulingiluangajaat, taarsertarnissaat 2025-nngortinnagu siunertaavoq. Aammattaaq Pisiffiup atugarisanik misissuineri naapertorlugit sulisut atugarissaarnerat 2025-imi 8,50-imut qaffannissaa siunertaavoq. Atugarissaarnermik misissuinermi minnerpaamik 75%-it akisimappata misissuineq aatsaat tutsuiginarsinnaalissaaq. 2021-mi atugarissaarnermut misissuineq siulleq ingerlanneqarpoq. Akisut procentinngorlugit 34-upput, sulisullu nalerisamaarinninnerat 8,14-ulluni.