Pisiffik A/S Aningaasaliinermi Politikkia

Kalaallit Nunaanni pisiniarfiutileqarfiit annersaattut inuiaqatigiit akuuffigisagut eqqortumik utertiiviginissaat pisussaaffigalutigu misigaarput. Taamaattumik Pisiffimmiit nunatta piujuartitsisuunerunissaata ineriartortinnissaannut iluaqutaasinnaasunut aaqqissuussanut pilersaarutinullu projektinut aningaasaleeqataanikkut tapersiisarpugut. Projtektit inuiaqatigiinni peqqissutsimut siuarsaaqataasussat. Aammalu projektit ataatsimoornerup nuannersortaanik aallussisut.

Inuiaqatigiinni eqinnaatsumik ineriartortitsinerup ingerlarngisa pilersinneqarnissaat aningaasaliinitta siunertaraa, taamaasinikkut illoqarfinni pisiniarfeqarfitsinni arfiniliusuni; Ilulissat, Aasiaat, Sisimiut, Maniitsoq, Nuuk og Qaqortoq kinaassuserput nukittorsarneqaqataassammat.

Aningaasaliinigut immikkoortunut ukununnga avinneqakkajupput:

  • timersorneq, assersuutigalugu klubbini atisat, aaqqissuussat annerit unammisaqattaarnerillu
  • peqqinneq, assersuutigalugu paasititsiniaanerit aammalu katersuiniarnerit
  • piorsarsimassuseq, assersuutigalugu isiginnaartitsinerit aamma pikialaarnerit aalakoornartortalimmik sallaallinertaqanngitsut.
  • Aaqqissuussat projektillu allat tamamut ammasut

Aningaasaliinerit illoqarfinnut tunisiffigisaminut tamanut arfiniliusunut agguataarneqarnissaat Pisiffiup periuuserisartagaanut tunngaviuvoq. Aaqqissuusap illoqarfiit tamaasa ilannguttariaqanngilai. Kisianni anguniagaraarput aningaasaatit tamanut isumagineqarlutik agguataarnissaat anguniagaraarput.

Aningaasaliinigut ajornaatsumik ikiuinerusinnaapput, assersuutigalugu atortunik inuttanilluunniit, nioqqutissianik atisanik imaluunniit nerisassanik, kiffartuussinerit, akikilliliivigitinnerit imaluunniit toqqaannartumik aningaasanik tapiiffigitinnerit.
Qinnuteqaatit piaartumik suliariumaarpagut. Qinnuteqartut qinnuteqaatiminnik akissutisinissaasa sap. akunneri sisamat ataallugit sivisussuseqarnissaat anguniagaraarput.

Aningaasalerneqarnissamut piumasaqaatit
Qinnuteqarnermi pingaartippagut:
suliniut Pisiffiup piujuartitsinermut tunngatillugu pilersaarusiaanut naleqartitsissaaq.
suliniutit kalaallit inuiaqatigiivinut sapinngisamik iluaqutaanissai.
Pisiffiup projektinut aaqqissuussanulluunniit tapersiinerata naammassinerani piviusumik allanngueqataanissa.
aningaasaliinerit niuertorpalaartumik isumaqatigiissutaaneri akuerineqassasut.

Paasissutissat kakkiussassat:
aaqqissuussap tamakkiisumik aningaasartuutissasa missingersornera.
sukumiisumik projektip nassuiarneqarnera.
Pisiffiup suna ikiorsiissutigissaneraa kissaatiginerlugu (assersuutigalugu inuttat, kiffartuussinerit, nioqqutissiat imaluunniit toqqaannartumik aningaasatigut tapersiineq).
Pisiffiup aningaasaliisuunerata takussuserneqarnissaanut pilersaarut.

Qinnuteqaatit tamarmik immersugassaq ataaniittoq atorlugu nassiunneqassapput. Apeqqutit sponsor@pisiffik.gl -mut allanneqarsinnaapput.

ATTAVISSAMUT PAASISSUTISSAT