1. Aallarniut
Atugassat & piumasaqaatit 1. november 2025-mit atuutilerput, siulianilu iluserisat taarserpai.
AAP pitinnagu, ilaasortanngornissannullu nalunaarnerit sioqqullugu Pisiffik App’imi atugassat piumasaqaatillu atuarluarnissaannut imminut piffissalernissat pingaartuuvoq. AAP-imik toorsiguit suut akuerinerlugit ilisimassavatit. Pisiffik App’imik ingerlatsisoq tassaavoq Pisiffik A/S (”uagut” il.il.), CVR. nr. 16607479, Imaneq 1, 3900 Nuuk. Pisiffik App’imut tunngatillugu saaffiginnikkaanni tamanna uunga pissaaq: pisiffikapp@pisiffik.gl, imaluunniit pisisartunut kiffartuussivimmut sianertoqarluni, oq. +299 381100.

2. Pisiffik App’imi ilaasortaaneq
Pisiffik App tassaavoq qarasaasiakkut ilaasortaaffik, tassanilu ilaasortaaneq akeqanngilaq. Tassaavoq iluaqutinut ingerlatsivik, tassanilu akikilliliiissutinut atorsinnaasannik pointinik ileqqaarisarputit. Tamakku saniatigut app’imik atugaqarnermi iluaqutissanik immikkut ittunik pissarsisinnaavutit.
Ilaasortaalernikkut makku akuerissavatit:

• Inuttut paasissutissaatinnik katersillunilu suliaqarfeqarneq (ateq, e-maili, oqarasuaatip normua, najugaqarfik)
• Inummut tunngasumik ilaasortatut ilisarnaammik pilersitsineq
• Neqeroorutinik iluaqutissanillu saaffiginnissuteqarnissamut ilaasortatut ilisarnaatinnik sanarfisaqaqqusaanerput
• Pisiannik pointinillu ileqqaarinernik nalunaarsuineq
• Nammineq tunisassiaatit, ilinnullu neqeroorutit pillugit ussassaarutinik saaffiginnissuteqaqqusaanerput
• Pointit, neqeroorutit, iluaqutissallu pillugit nalunaarsuutinik ilinnut nassiussisinnaanerput
• Taakkua tunisassiaminnik ussassaarutinik ilinnut nassiussaqarsinnaalersunik suleqatigisatut suussutsinut tulliuttunut Pisiffik A/S-ip illit pillutit paasissutissanik aamma app’imi suliarisanik ingerlateqqitaqarsinnaanera: nerisassiassanik tunisassiortut, atugassanik nioqquteqartut, franchisenik (aalajangersimasunut ussassaaruteqartartunik) suleqatigisat, niuernikkut suleqatigisat
• Ussassaarinermut illit akuersinerit qaquguluunniit atorunnaarseqqissinnaavat, takuuk imm. 10.
• Ilaasortaaninnut allagartat, aamma pointiutitit ilinnut tunngapput, allanullu tunniunneqarsinnaanngillat. App’imi ilaasortatut quppernerisanni ima iliorsinnaavutit:
• Paasissutissat ilinnut tunngasut takullugillu iluarsisinnaaneri
• Pointiutivit amerlassusaanik, oqaluttuassartaannik, pointinillu atuinerit malittarineri
• Aaqqiissummit ilaasortaajunnaarnissannik nalunaarnikkut qaqugukkulluunniit akuersinerit uterteqqissinnaavat. Suliarisanut aalajangersimasunut unioqqutitsinani soqutiginninneq atorneqarsinnaavoq, soorlu makkunani:
• Naatsorsuuserinermut siunertanut pisiaqarnerni paasissutissanik suliaqarnerit
• Aaqqissummik atornerluinermik pitsaaliuinerit
• Naatsorsueqqissaarinermi misissueqqissaarinerit (kinaassutsimik isertuussiffillit)

3. Pointinik ileqqaarfigisatit
Pisiffik A/S-imi pisiaqarnermi pointinik ileqqaarissaatit, najoqqutassaqarfiillu makku ilaapput:

• Pisiffik
• SPAR
• Elgiganten
• JYSK
• Torrak Fashion
• Outletten
• Outdoor Living
• Pisattat
• ILVA
• Pisiffik.gl, webshop
• Makkunani pisiaqarnermi pointinik ileqqaarissanngilatit:
• AKIKI
• KK Engros, foodservice
• Cash and Carry
• Foodservice, webshop
• Sunset Boulevard
• Burger King

4. Pointinik ileqqaarineq

• 100 kr.-ikkaanut tamanut pisiaqarfigisannut pointimik 1-imik ileqqaarissaatit.
• Najoqqutassaqarfinni ilaasuni taakkunani nioqqutini tamani pointit ileqqaarneqartarput, makkuli ilaanatik:
  • Tips og lotto
  • Aviisit/quppersakkiat
  • Bussernermut allagartaq
  • Isumaqatigiissutip avataaniittumut nioqqutigineqartunut billettit eqqorniagassamullu allagartat il.il.
  • Tupat
  • Gavekortit
  • Qularnaveeqqutit

Akikilliliissutit ilanngaatiginerisa kingornatigut pointit naatsorsorneqartarput. Pisiaqarnermi qarasaasiakkoortutut ilaasortaanermut allagartat scannissavat.

5. Pointinik atuinerit
Iluserisaq tullinnguuttoq malillugu pointit ileqqaareernerini akikilliliinernut atorsinnaavatit:

• 25 point → 50 kr. akikilliliissut
• 50 point → 100 kr. akikilliliissut
• 100 point → 200 kr. akikilliliissut
• 150 point → 300 kr. akikilliliissut
• 200 point → 400 kr. akikilliliissut
• 250 point → 500 kr. akikilliliissut
• Pointit ileqqaarnerinut naleqqiullugu akunnaallisitsisoqassaaq.
• Atuinernut malittarisassiat:
• Pisiaqarnerni ataasiakkaani annerpaamik pointit 250-it atorsinnaavatit
• Pisiaqarnerni ataasiakkaani minnerpaamik pointit 25-t atorsinnaavatit
• Pointit aningaasanngortissinnaanngillat
• Pointit atorniarukkit minnerpaamik 50 kr.-nut nalilinnik pisissaatit

6. Pointit atorunnaarfii

• Ileqqaariffittut ullormit pointit ukiumi ataatsimi atorsinnaapput
• Pointit atorunnaarfii sioqqullugit sivikinnerpaatut qaammammik ataatsimik sioqqutsinermik piffissaqarluarluta nalunaarsuutit nassiuttarpagut

Nalunaarnermi pointit ileqqaakkat, aamma atorsimanngisat tamarmik imminerminik suujunnaartitaassapput, ilisarnaatitullu paasissutissat piiagaassallutik.

7. Nioqqutinik utertitsinerit
Nioqqutinik utertitsinerni ilaasortatut allagartat takutissavat, taamaalillutit pointit pisininni ileqqaakkatit uterteqqinneqassammata.

8. Atornerluinerit
Ilaasortaanermik atornerluinerit ilaasortaajunnaarnermik, aamma pointinik suujunnaarsitsinernik nassataqartitsisinnaapput. Atornerluinerit assersuutigalugit tassaasinnaapput:

• Inummut tassunga ataatsimut ilisarnaatinik arlalinnik pilersitsinerit
• Pointinik peqquserluttuliornerit
• Aaqqiissummik sanioqqutsiniarsarinerit

9. Inuttut inuunerisamut politikki
Pisiffik App’imi kontomik pilersitsiguit uagut inuttut paasissutissanik tullinnguuttunik katersinissarput suliaqarnissarpullu akuerissavat, makkuninnga: ateq, illoqarfik, e-maili, oqarasuaatip normua, aamma suiaassuseq. Paasissutissat taakku illit app’imik atuinernut atatillugu, aammalu ilinnut imminik ilaasortanngorfinnut kiffartuussissutinik pilersuuteqarnernut atorneqarput, aammalu ussassaarinermut atatillugu atorneqarsinnaapput.
Qaqugukkulluunniit ilaasortaajunnaarlutit nalunaarsinnaavutit, aammalu akuersissuteqarnerit uterteqqissinnaavat. Suliaqarfigisannik ilaasortaanerit tamaat paasissutissaatitit toqqortaraagut, aammalu ukiut pingasut sinnerlugit pisiaqartarninnut atatillugu pisisartunut app’imik atugaqarsimassanngikkuit paasissutissaatitit suujunnaartittarlutigit. Tamatuma kingornatigut pisiaqarnernut paasissutissat kinaassutsimik isertuussinertut ilusilerlugit nassaassaaginnassapput.
Inuttut paasissutissaatinnik suliaqarnermut paasissutissanut akisussaaffeqarpugut. Paasissutissaatinnik illersuisarpugut makkunatigut:

• Paasissutissat nuunnerini toqqortarinerinilu allanit attaveqarniarnerup sapernartunngortinneranik – krypteringimik – atuineq
• Sulisunut akuerisaasunut, aamma paasissutissanik suliaqartartunut inummut paasissutissanik tikitaqarsinnaanerit killiliiffigineri
• Akuerisaanatik attaveqarniartut pakkersimaniarlugit isumannaatsuutitsinermi nutaanik ilalersuiuarnerit, aamma nakkutilliinerit suliarisarneri
• Paasissutissanik suliaqartartunik isumaqatigiissutinik atsiuinerit, taakkulu paasissutissanik illersuinerit pillugit inatsisinik atuuttunik suleqataasut tamarmik malittarisaqarnerinik qulakkeeripput
• Paasissutissanik suliaqartartunut, paasissutissanik suliaqarnermut isumaqatigiissutinik atsiugaqarfigisatsinnut ilinnut inuttut paasissutissat ingerlateqqinneqarsinnaapput siunertanut makkununnga:
• App’ip ingerlannera aserfallatsaaliorneralu
• Kiffartuussissummut naatsorsueqqissaarutit pitsanngorsaassutillu
• Nalunaarsuutinik nassiussuisarnerit

Paasissutissanik suliaqartut tamarmik Pisiffik A/S-itulli isertuussinissamik piumasaqaatit assinginik atugassaqartitaapput, taamaallaallu uagut ilitsersuutigut malillugit illit pillugit paasissutissanik suliaqaqqusaapput.
Qaqugukkulluunniit paasissutissanik suliaqartartuutitsinnut allattuiffimmik pissarsisinnaavutit, ugguuna attaveqarnikkut: pisiffikapp@pisiffik.gl

10. Paasisaqarnissamut pisinnaatitaaffik, suujunnaarsaaneq, uppernarsaaneq il.il. pillugit paasissutissiinerit
Ilaasortatut illit inuttut paasissutissaatinnut naleqqiullugit makkuninnga pisinnaatitaaffeqarputit:

• Paasisaqarnissamut pisinnaatitaaffik: Illit pillutit paasissutissat suliarisatta assilineri pillugit qinnuteqarsinnaavutit
• Uppernarsaanermut pisinnaatitaaffik: Paasissutissat kukkusut imaluunniit tamakkiisuunngitsut naqqitsissinnaavatit
• Suujunnaarsitsinermut pisinnaatitaaffik: Illit pillutit paasissutissaatinnik suujunnaarsitsinissaaq pillugu qinnuteqarsinnaavutit (ilaasortaajunnaarnermi paasissutissat imminerminnik suujunnaarsinneqartarput)
• Killiliinissamut pisinnaatitaaffik: Illit pillutit paasissutissaatinnik suliaqarnitta killiliiffiginissaat pillugit qinnuteqarsinnaavutit
• Paasissutissanik ingerlatitseqqinnermut pisinnaatitaaffik: Illit pillutit paasissutissaatitit ilutsimi sananeqaatilimmi, nalinginnartut atugassiami tunniunneqarnissaat pillugit qinnuteqarsinnaavutit
• Naammagittaalliuuteqarnissamut pisinnaatitaaffik: Illit pillutit paasissutissaatinnik uagut suliaqarnitsinnut naammagittaalliuuteqarsinnaavutit

Pisinnaatitaaffinnik atugaqarniaruit ugguuna attavigisinnaavatsigut: pisiffikapp@pisiffik.gl

11. Naammagittaalliuuteqarfissaq
Illit pillutit paasissutissaatinnik uagut suliaqarnitsinnik naammagisaqanngikkuit Datatilsynimut (Paasissutissat pillugit Aqutsisoqarfimmut) naammagittaalliummik nalunaarnissannut pisinnaatitaaffeqarputit:
Datatilsynet
Borgergade 28,
1300 København K 4
E-mail:dt@datatilsynet.dk
Oqarasuaat: +45 33 19 32 00

Aamma uagut toqqaannartumik ugguuna attavigisinnaavatsigut: pisiffikapp@pisiffik.gl, taamaalilluta ajornartorsiutip iluarsiiviginissaanut misiliisinnaassagatta.

12. Nalunaarsuutit
Pointit atorunnaarnerini sivikinnerpaamik ullut 30-t sioqqullugit Pisiffik A/S nalunaarsuutinik nassiussaqarniartarpoq, teknikkikkullu ajoquteqarnerit, ilaasortap attaviginissaanut paasissutissat allanngortitat, imaluunniit Pisiffik A/S-ip nakkutiginniffiata avataani pissutsit allat pissutigalugit nalunaarsuutip tiguneqarsimannginneranut akiussaaffimmik tigusinnittanngilaq.

13. Teknikkikkut ajoquteqarnerit atorsinnaaffialu
App’ip eqqortumik ajoquteqanngitsumillu atornissaanut Pisiffik A/S qulakkeeriniarpoq, app’ili qaqugukkulluunniit ajoqutinik, amigaatinik, imaluunniit qamittoorfinnik atugaqarfiussannginneranut qularnaarisinnaanngilaq.
Pisiffik A/S makkununnga akisussaaffimmik tigusinninngilaq:

• App’ip atorsinnaaffiani ajoqutit, kinguaattoornerit, imaluunniit qamittoornerit
• Paasissutissanik annaasaqarnerit, ilaallutik teknikkikkut ajoqutit nassatarisaattut pointit, imaluunniit ilaasortaanermut paasissutissat annaaneri
• Aaqqiissummi ajoquteqarnerup nassatarisaanik pointinik naatsorsuinermi imaluunniit nalunaarsuinermi kukkussuteqarnerit
• Teknikkikut ajornartorsiutinik patsiseqartumik nalunaarsuutit nassiutinnginneri, imaluunniit kingusinaartumik nassiussorneri
• Ilaasortap nammineq atortuutaasa, internettikkut attaveqarfiata, imaluunniit ingerlatsissutitut aaqqiissutaata nassatarisaatut ajornartorsiutit pinngortut.

Teknikkikkut ajoqutinik misigisaqassaguit una attavigeqquneqarpoq: pisiffikapp@pisiffik.gl, taamaalilluta ajornartorsiutaasumik iluarsiiniarneq misilissinnaassagatsigu.

14. Force Majeurimut immikut piumasaqaat
Pisiffik A/S-ip nakkutigisaata avataaniittunik, Pisiffik A/S-ip siulittuutigisinnaanngisaanik, imaluunniit pakkersinnaanngisaanik (force majeure) piviusunngortitsinngitsoornerit patsiseqassappata, piumasaqaatit makku pisussaaffiginerisa piviusunngortinngitsoornerinut Pisiffik A/S akisussaaffeqassanngilaq.
Force majeure ilaatigut makkuninnga ilaqarpoq:

• Pinngortitami ajunaarnersuit, ikuallattoornerit, qarsutsinerit, imaluunniit silami pissutsit immikkut illuinnartut allat
• Sorsunneq, qunutitsineq, pikitsitsineq, sabotage, imaluunniit aserorterineq Sarfaaruttoornerit, telemi paasissutissaniluunniit attaveqaqatigiiffiit qamittoorneri
• Suliffiup avataani pilersuisartuni, imaluunniit paasissutissanik suliaqartuni qamittoornerit
• Inatsisitigut akulerunnerit, oqartussaasunit peqqussutit, imaluunniit pisortaqarfinnit allanit suliaqarnerit
• Suliumajunnaarnerit, lockout, suliartortitsinaveersaarnerit, sulinermiluunnit aaqqiagiinnginnerit allat

Force majeurip atugaaffiani piffissami force majeuritut pisoqarfiup ingerlaffiani pisussaaffigut atorunnaarsinneqarput. Ullut 30-t sinnerlugit force majeurimik pisoqarfik sivisussuseqassappat kalerriutigeqqaanngisamik illua’tungeriit tamarmik ilaasortaaneq atorunnaarsissinnaavaat.
Force majeurip nassatarisaanik ilaasortap pointit ileqqaakkat annaassanngilai, tassalu piffissami pineqartumi pointit atorsinnaaneri qaangiussimassanngippata.

15. Akisussaaffigisamut killiliissutit
Pisiffik A/S-ip ilaasortamut taarsiinissamut akisussaaffigisaa makku nassatarisaattut killeqarpoq

• Pissutsit uagutsinnut akisussaaffiliisut malitsigisaannik ilaasortap toqqaannartumik annaallugit atugarisaanut taamaallaat akisussaaffeqarpugut. Annaasat toqqaannartuunngitsut akisussaaffiginngilagut, ilaallutik ingerlatsinermi annaasat, iluanaarutit annaasat, imaluunniit malitsigisatut annaasat allat
• Taarsiinissamut akisussaaffipput tamarmiusoq qanorluunniit pisoqaraluartoq piffissami akisussaaffiliiffittut pisoqarfimmi ilaasortap ileqqaagarisatut, sulilu atorunnaanngitsutut pointiutaasa nalinganik qaangiisinnaanngilaq, taamaattorli annertunerpaamik tassaassaaq 5.000 kr.

Makku nassatarisaattut annaasat akisussaffiginngilagut: Ilaasortap nammineq kukkussutai, imaluunniit sumiginnagai. Ilaasortamit isissutissamisut paasissutissaatiminik illersugaqannginneranik patsiseqartutut ilaasortap kontoanut akuerisaanngitsup attaveqarnera.
Piumasaqaammut tunngaviliisumut pisoqarfimmik ilaasortap ilisimannilerneranit, imaluunniit ilisimannilertussaasimaneranit kingusinnerpaamik qaammatit arfinillit kingornatigut taarsiissuteqarnissamut piumasaqaataasinnaasut allaganngorlugit uunga nassiunneqassapput: pisiffikapp@pisiffik.gl. Killiliissutip taassuma kingornatigut piumasaqaatit saqqummiussat annaasatut isigineqassapput.

16. App’ip tikinneqarsinnaassusia
App’ip ulloq unnuarlu nal. akunnerini 24-ni, sapaatip akunnerani ulluni arfineq-marlunni tikinneqarsinnaanera qularnaarniarparput, app’illi taamaattuartutut tikinneqarsinnaassusianik qularnaarisinnaanngilagut.
App taamaakkallartumik tikinneqarsinnaassanngilaq, imaluunniit killilimmik atorneqarsinnaassaaq assersuutigalugit makku nassatarisaattut:

• Pilersaarusiukkatut aserfallatsaaliuinerit, aamma nutaanik ilalersuinerit
• Siulittuutigisinnaanngisatut teknikkikkut ajornartorsiutit, imaluunniit aaqqiissutip qamittoornera
• Suliffiup avataani pilersuisartuni, imaluunniit paasissutissanik suliaqartartuni pissutsit
• Force majeuritut pisoqarfiit

Kalerriutigeqqaarnagu aserfallatsaaliuinermi, nutaanik ilalersuinerni, imaluunniit isumannaatsuutsitsinermut tunngasunik patsiseqartunik app’ip tamakkiisumik imaluunniit ilaannakortumik matugallarnissaanut pisinnaatitaaffimmik pigisaqartippugut.
App’ip tikinneqarsinnaannginnerata nassatarisaanik ilaasortaq uagutsinnut piumasaqaateqarsinnaanngilaq, ilanngullugu piffissani, app’ip tikinneqarsinnaanngiffiani pointinik ileqqaarnissamut imaluunniit atugaqarnissamut periarfissaqannginneq.

17. Inatsisitigut atukkat
Piumasaqaatit aamma ilaasortaanerit Kalaallit Nunaanni eqqartuussisoqarfiup ingerlatsivigisaata iluaniipput.

18. Illersuissutit
Piumasaqaatinut taakkununnga, imaluunniit ilaasortaanermut atatillugit aaqqiagiinnginnerusinnaasutut pinngorsinnaasut siullertut isumaginniffimmi Kalaallit Nunaanni Eqqartuussisoqarfimmi aalajangiiffiussapput. Aaqqiagiinngissutip eqqartuussivinnut suliassanngortinnera sioqqullugu illua’tungeriit aaqqiagiinnginnermik iluasiiniarneq isumaqatigiissutigisaminnik misileqqaarniarsarisimassavaat.

19. Atugassarisat allanngortinneri
Atugassarisat aamma piumasaqaatit allanngortissinnaavagut, soorlu inatsisaauni allannguuteqarnerni, imaluunniit nutaanik atuuffeqalernerni il.il. Allanngortitsinerni annertuuni qaammat ataaseq sioqqullugu kalerriisoqassaaq. App’imik atuinerup nanginnera allannguutinik akuersissuteqarnermik isumaqartutut paasineqassaaq.

Pisiffik.gl

Qarasaasiakkut allakkanik nassitsivik: webshop@pisiffik.gl

Oqarasuaatip normua: +299 38 11 00

Oqarasuaatip ammasarfii: Ulluinnaat 10.00 – 14.00

Pisiffik gl-ikkut nioqqutissat tuniniarneqarneri kalaallit inatsisaannut naapertuupput. Imigassanik 0,01%-imik annertussusilimmik pisiniartut 18-ileereersimassapput. Pisiniarnerup naammassinerani Pisiniartup imigassartalimmik akulinnut tunngasunik inatsisinik ilisimasaqarnini nalunaarutigissavaa.

Akitsuutit ilaatillugit akit tamarmik qallunaat koruuniinik naliligaapput. Nassiussinermi aningaasartuutit poortugakkuutaatut akileqquneqartassapput assigiinngittassallutillu nioqqutit amerlassusaat, nioqqutit suussusaat, oqimaassusaat initussusaallu apeqqutaalluni. Sapinngisamik poortukkat ikittuutinniarneri ilungersuutigisarparput.

Pisiffik.gl-imi akit

Qarasaasiakkut pisiffik.gl-imi imaluunniit pisiniarfitta ilaanni niuernersutit apeqqutaatinnagu Pisiffik.gl-imi tunisassiat amerlanerpaatigut akii assigiittarput. Taamaattoq ilaanneeriarluni akit assigiinngissinnaasarnerat malugisarsinnaavat. Tamanna, atugassarititaasut assigiinngittarnerinik

peqquteqarpoq.

Akitsuutit ilaatillugit akit tamarmik qallunaat koruuniinik naliligaapput. Nassiussinermi
aningaasartuutit poortugakkuutaatut akileqquneqartassapput assigiinngittassallutillu
nioqqutit amerlassusaat, nioqqutit suussusaat, oqimaassusaat initussusaallu
apeqqutaalluni. Sapinngisamik poortukkat ikittuutinniarneri ilungersuutigisarparput.

Pisiffik A/S-ip sapinngisamik pisisartunut akinik appasinnerpaanik pitsaanerpaanillu
qulakkeerinnikkusuppoq. Taamaammat nuna tamakkerlugu Akinut Naleqqussagaq
nonfoodini ingerlapparput (Pisattat – Torrak – Elgiganten – JYSK). Akinut Naleqqussagaq
tuniniaanermi Pisiffiup unammillertaanut kalaaliusunut atuuppoq.
Unammillertip nioqqutissamut akigititai akikinnerussagaluarpata akeqqatigalugilluunniit
soorunami nioqqut pineqartoq akikillissavarput, Pisiffik akikinnerulerseqqillugu.

Atuisup unammillerti akikinnerusoq naammattuussagaluarpagu atuisoq qinnuigaarput
Pisiffik.gl-ip kiffartuussivia aqqutigalugu saaffiginneqqullugu.

Click & Collect-ikkut pisiniarneq ajornaatsuararsuullunilu sukkasoorujussuuvoq. Onlinekkut inniminniiguit
akiliillutillu, pisiarisatit aqaguani nal. 12:00 aariaannanngussavatit.

Click & Collect taamaallaat Nuummi JYSKimi, Elgigantenimi, Pisattani aamma Viinnini atorneqarsinnaavoq.
Nioqqutissat assartugassaasut, soorlu siniffiit, sofat, igaffimmi errorsisarfimmilu atortorissaarutit
assigisaallu aggiunneqartarput, Click & Collect-imullu ilaanatik.

Pisiarineqartut ulluinnarni ullut tamaasa poortorneqartarput nal. 12:00-illu kingorna aaneqarsinnaallutik.

1. Qarasaasiaq, tablet, smartphonilluunniit atorlugit pisariitsumik inniminniigit
2. Pisiariniakkatit siumut akilerukkit tunuleriiaattuniittariaqanngilatit
3. Pisiatit aqaguani nal. 12:00-p kingorna aariaannanngussapput

Aallerfissat:
- Viinniniit pisinermi aallerfissaq Nuuk Centerip kioskia
- Jyskimi pisinermi aallerfissaq JYSK Nuuk
- Pisattat-ni pisinermi aallerfissaq Notabene
- Elgiganten-imi pisinermi aallerfissaq Elgiganten Nuuk
- ILVA-mi pisinermi aallerfissaq ILVA Nuuk

Pinngussanut, thansen-imut, aquuteralannut, umiatsianut, qamuteralannut ATV-nullu atuutinngilaq

Pisiffik.gl-imi niueruit, quersuarmiittuutit kisitsisaat marloriarluni naligiissarneqartarput: tunisassiap qarasaasiami koorimut ilineqarnerani kiisalu inniminniinerup imaluunniit pisinerup akuerinerani. Quersuarmiittuutitta annertussusaat eqqortoq ersersissallugu soorngunami ilungersuutigiuarparput, kisianni pisuni ataasiakkaani quersuarmiittuutigisatut nalunaarsuutit aamma piviusumik quersuarmiittuutigisat amerlassusaat assigiinngissuteqarsinnaasarput. Qarasaasiakkut pisiniarfimmi quppernerit tamakkernatik akuttoqatigiimmik nutarterneqartarnerinik, tamanna pissuteqarpoq, taamaattumillu pisiaqarniarninni akueriumaneqannginnermik misigisaqartarsinnaallutit.

Pisiffik.gl-imi imaluunniit tablet-ikkut dankort-imik pisineq.

Akiliinermut kort-it nunani avannarlerni atulersitat tulliuttut atorlugit akiliisoqarsinnaavoq: Dankort, VISA/Dankort, VISA, Eurocard/Mastercard aamma Visa Elektron. Maannakkuugallartoq nittartakkami kort-imik akiliinermi akitsuut akilerneqartanngilaq.

Pisinerup pisiffik.gl-imut ilineqarneranut atatillugu, aningaasat illit konto-nniit inniminnerneqarallartassapput. Taamaattoq nioqqutit najukkamut nassitsivissatut kissaatigisamut nassiunneqarpata aatsaat, aningaasat illit konto-nniit uagutsinnut nuunneqartassapput. Ilaannakuusunik nassiussinermut atatillugu, nassiunneqartuinnaat taamaallaat nalinginut naapertuuttut, aningaasat nuunneqartassapput. Paasinarsippat naatsorsuutigineqartumiit pisiat tamaasa ilaannakuusulluunniit nassiussinnaanngikkigut, taava nassiunneqartut kisiisa akilissavatit. Pisianut akilikkat allagartaat, faktura, e-mail-ikkut nassiunneqassaaq. Faktura-mi paasissutissanik inniminartunik imaqartassanngilaq, taamaattoq pisiat Dankort-imik/Kreditkort-imik aammalu kimit akilerneqarsimasut ersittassalluni.

Akiliinermi illit konto-it paasissutissartaanik aammalu pisissutissat aningaasat isumaqatigiissutaasut annertussusaannik nuussineq PBS-imit akuerisaasukkut Quickpay-software-rimik (qarasaasiami aalajangersaassummik) paasiuminaallisakkatut pisassaaq. Illit pillutit paasissutissat pisiffik.gl-ip toqqorneq ajorpai. Tamatuminnga akileeriaatsimik atuinissamut PBS-ip pisiffik.gl-i allagartartaartinnikuuaa, taamaattumillu kort-inik akiliutinik akiliinissaq isumannaatsuulluni.

Illit pillutit paasissutissat, allat atornerluisinnaanerannut illersorneqarniassammata paasiuminaallisaaneq atugaraarput. Illit konto-nniit, inniminniininni akuerisimasimasanniik aningaasanik amerlanerusunik nuussisoorsinnaanngisaannarpugut. Eqqartuussisarneq malillugu imatut inissisimatitaavutit, aningaasaatitit tigoqqissinnaallugit:

•    Nioqqutit ilinnut apuunneqanngippata
•    Peqqissimisinnaatitaaninnut pisinnaatitaaffiit atorukku – takuuk ataani immikkoortoq
•    Illit konto-nniit, illit sioqqutsisumik akuersissuteqarfiginngisannik, nuussisoqartillugu

Inummik paasissutissat, pisiffik.gl-imi pisinermut atatillugu qarasaasiamut toortaanneqartut, Kalaallit Nunaanni inatsisit atuuttut naapertorlugit Pisiffik A/S-imiit imaassinnaasorlu suleqatigineqartunit avataaneersunit passunneqartarput. Paasissutissat, illit inniminniinerpit – ilaatillugit e-mail (qarasaasiakkut allakkiat) nioqqutissanut paasissutissat, ilinnut tunngasut - naammassinissaanut pisariaqartut kisiisa toqqortarpagut. Pisisartut pillugit paasissutissat tamarmik inniminniinerillu pillugit paasissutissat nipangiussisussaatitaanermik sukannersumik tunngaveqarluni passunneqartarput, allanullu ingerlateqqinneqanngisaannarlutik.

Kalaallit Nunaanni inatsisit naapertorlugit paasissutissat ukiuni tallimani toqqortarineqartarput. Nutaarsiassanik allagarsiivigisartagarput illit allatsiffigigukku, illit allatsinninni akuersiffigisimasannut soqutigisaqarfinnut pilerisaarusianik nassiussuisarnitsinnut atatillugu e-mail-it atorneqalissaaq. Nutaarsiassanik allagarsiivigisartagarput qaqugukkulluunniit mail-imi ‘allatseqqajunnaarit’ toorlugu imaluunniit pisisartutsinnut sullissiviup attaveqarfigineratigut allatseqqajunnaarsinnaavutit, tamatumalu kingorna illit pillutit paasissutissat piiarneqassallutik.

Inunnik paasissutissat pillugu inatsit naapertorlugu tamakkiisumik illit pillutit paasissutissat ilisimasaqarfigilersinnaavatit allakkatigut uunga saaffiginninnikkut:

Pisiffik A/S

Postboks 61

3900 Nuuk

Najukkamik sumiiffinnut taamaallaat Kalaallit Nunaanniittunut nassiussisoqartassaaq, inniminniiniarninnillu naammassinninniarninni paasissutissanik allanik ersertoqartassaaq. Nioqqutissat inniminnikkatit nammineq ineqarfinnut- imaluunniit suliffeqarfiup najugaanut nassiutequllugit toqqarsinnaavat.

Kalaallit Nunaanni Danmarkimilu quersuarnik assigiinngitsunik atuigatta, inniminniinerit nassiussinernut arlariinnut agguarlugu nassiussuussinerusinnaavoq.

Taamaalilluni, nioqqutit assigiinngitsut arlaqarpata, inniminniineq ataaseq suliffeqarfinnit nassiussuisartunit assigiinngitsunit passunneqarsinnaavoq. Nassiussukkat aggulunnerisa amerlassusaat apeqqutaatinnagu, aggulullutik nassiussuinerit katillutik akigiligaasa, illit inniminniininni nassiussuinermut akigitinniarneqaqqaartoq, qaanginngisaannassavaat.

Piffissami nassiussarsiat pajugutigineqarfissaanni nassiussarsiassavit pajugutigineqarneranni najukkamiissasutit imaluunniit nassiussarsiat pajugutineqarfissaanni sumiiffimmiissasutit piumasaqaataavoq. Nassiussarsiassavit pajugutigineqarneranni angerlarsimanngikkuit, pajugutigeqqinneqarnissaannut aningaasartuutit akilerlugit aaqqissuussisoqarsinnaavoq.

Nioqqutissat quersuatsinniit nassiunneqarpata, qarasaasiakkut e-mail-imik nassiussanut akiliisimanermut allagartamik ilalimmik allagarsissaatit. Nioqqutissat pisiatit tamaasa ataatsikkut nassiussinnaasimanngikkutsigit, nassiussinnaasagut kisiisa akilersimanerinik allagartalimmik fakturamik nassitissaatit. Nioqqutissat inniminnikkannut sinneruttuusinnaasut akilersimanerinik allagartamik fakturamik nassinneqassaatit, malitsigitillugit nassiunneqarpata.

Nassitsinernut aningaasartuutit assigiinngissuteqartarput ilaatigut nioqqutissap suussusaa, oqimaassusaa, suminngaaneernera, pisiffigineqartoq, nassiusseriaaseq il.il. apeqqutaallutik. Pisiffik.gl-imi nioqqutissat inniminneraangakkit, nassiussinermut aningaasartuutit katinneri ersittassapput. Pisiat BWS-imit assartuunneqassaaq, Nuummi najugannut aggiunneqarumaarpoq, tunniussinerlu aqquserngup eqqaaniussaaq imaluunniit matup silataanut pissaaq. Illumi najugaqaruit assartuussisup matuppit silataanut apuutissavaa. Inissiami najugaqaruit assartuussisup aqquserngup sinaanut imaluunniit inissiap isaariaanut apuutissavaa, matuppit silataanuunngitsoq. Blue Water isumaqatigalugu kissaatigineqarsinnaavoq angerlarsimaffimmut pajutsinneq, 200 kr.-mik akeqarpoq, MobilePay-kkut akilerneqassalluni. Nuummi pajussuinerit pisarput ulluinnaat suliffiusuni, tassa pisinerup ullut suliffiusut aqaguanni, webshop attaveqaqatigisimanngikkaanni isumaqatigiilluni. Taanna piumaneqarsinnaavoq inniminniinermi kommentar-erluni imaluunniit webshop@pisiffik.gl-mut allalluni saaffiginnilluni ulloq suna pajutsikkusunnerluni. Pajuttuineq pisarpoq nalunaaqutaq 9.00-miit 17.00 tungaanut, Blue Water-ilu sianertarpoq akunnerup affaata missaa sioqqullugu. Ekspress levering (ulloq taanna aggiussineq) periarfissaavoq Blue Water-lu isumaqatigeereeraanni, taannalu 600 kr-qarpoq, MobilePay-kkut akilerneqassalluni. Nalunaaqutaq 15.00 kingorna periarfissaanngilaq. BWS peqatigalugu pilersaarusiorneq assartuinissamut aaqqissorneqartarmat . Illoqarfiit/nunaqarfiit sinnerini najukkamut pisiat aggiunneqartanngillat, namminerlu aaneqartassallutik. BWS aqqutigalugu aggiussineq isumaqatigineqarsinnaavoq, nammineq akilerneqarluni.

Nassiussat apuunniartarnerinut piffissamut apeqqutaasarpoq, nioqqutissaq quersuarmiittuutigineqarnersoq aammalu angallassisartut sorliit nioqqutissamut attuumassuteqarnersut. Nioqqutissamut quppernermi ersittuartassaaq, nioqqutissaq aalajangersimasoq qaqugukkut nassiunneqarsinnaasoq.

Illoqarfinni nunaqarfinnilu najukkat ilaannut toqqaannartumik nassiussinissaq periarfissaqartanngilaq, taamaattumillu pisuni taama ittuni Pisiffik A/S-ip nassiussat apuunnissaannut akisussaasutut pisussaaffini iperartariaqartarlugu.

Atuisartunut isumaqatigiissutinut inatsit malillugu nioqqutissat tiguneriniit ullunik 14-inik peqqissiminissannut pisinnaatitaaffeqarputit. Ullormiit nioqqutissat tiguneriniit, imaluunniit ataatsimut inniminnikkatut nioqqutissat assigiinngitsut arlallit isumaqatigiissuteqartoqarsimaneratigut immikkut nassiussuunneqarsimatillugit nioqqutissap tikiunneqartup kingulliup tiguneraniit ullut 14-it qaangiukkaangata peqqissiminissamut piffissarititaq qaangiuttarpoq.

Nioqqutissaq arlalittut poortukkatut imaluunniit ilaannakukkuutaatut nassiussugaappat, ilaannakuusup imaluunniit ataasiakkaap kingulliup tiguneraniit ullut 14-it qaangiunneranni peqqissiminissamut piffissaritaq qaangiutissaaq.

Nassiussap tiguneraniit ullut 14-it qaangiutsinnagit, pisininnut peqqissiminermik kissaateqarnerlutit, nalunaarfigissavatsigut.

Nalunaarutit webshop.gl-imut nassiunneqassaaq. Nalunaarutinni erseqqissumik maluginneqqussavatsigut peqqissimisinnaatitaaninnut pisinnaatitaaffiit atorumagit.

Pisiannik ilaannakuusumik peqqissimissuteqarnissamut pisiffik.gl-imiit periarfissinneqarputit. Ilinnut malugeqquneqarpoq, inniminniinermi ataatsimi nioqqutissanik arlalinnik pisisimaguit, pisiavillu ilaanik peqqissimissuteqarumallutit, nassiussinermut aningaasartuutit utertinneqartanngimmata.

Pisiffik A/S

Postboks 61

3900 Nuuk

Att: Webshop

Pisininnut peqqissiminerpit nalunaarutigineraniit kingusinnerpaamik pisisimanerpit peqqissimissutigineranik kissaateqarnerpit uagutsinnut nalunaarutigineraniit ullut 30-it qaangiutsinnagit, pisariaqanngitsumillu kinguarsarnagu nioqqutissaq pisiat uagutsinnut utertissavat. Nioqqutissap utertinneranut nassiussinermut atatillugu aningaasartuutit nammineq akilissavatit. Nioqqutissap tiguneraniit ajutoorsinnaanernut akisussaaffik tigummivat.

Pisiffik.gl-imut imaluunniit pisiniarfimmut nioqqutissaq utertinniarukku, marlunnik periarfissaqarputit. Pisiffiup pisiniarfiutaanut qaninnerpaamut pisiat nassarlugu saaffiginnissinnaavutit imaluunniit pisiat pisiffik.gl-imut nassiussinnaavat.

Eqqaamajuaruk Pisiffiup pisiniarfiutaanut utertitsininni imaluunniit pisiffik.gl-imut pisiamik utertitassamik nassiussiguit akiliisimanermut allagartaq faktura ilaatittassagakku.

Utertitsinermi nassiussiffissaq unaavoq:

Pisiffik A/S

Postboks 61

3900 Nuuk

Att: Webshop

Nioqqutissap suussusaanik, piginnaasaanik pissutsimillu atorsinnaassusianik allaanerusumik passunneqarsimaneranik pissuteqartumik nioqqutissap nalingata annikillisimasinnaanera illit akisussaaffigissavat.

Qulaani eqqaaneqartut nassuiaatit saniatigut allatut nioqqutissaq misiligarneqarsimappat, atornikutut naatsorsuutissavarput, tamannalu isumaqarluni, pisiaqarsimaninnut peqqissimininni utertinniarnerani akiata ilaannaa utertissinnaagit imaluunniit utertitaqanngitsoorsinnaasutit, nioqqutissap niuerutigeqqinneqarsinnaanerata nalinga apeqqutaalluni.

Nioqqutissap aallaqqaataani poorisaa atorlugu utertinneqassaaq, aallaqqaataani poorisimasaa amigaataappat nioqqutissap nalinganik appaanermik kinguneqassammat.

Pisinerit peqqissimissutigigukku, uagutsinnut akiliutigisimasat utertissavat. Pisumi, illit akisussaaffigisannik, pisiap nalinganik annikillisitsisoqarsimatillugu, pisinermi akiliutigineqarsimasumiit tamanna ilanngaatigineqassaaq.

Peqqissiminissamut pisinnaatitaaffiit atorukku, pisariaqanngitsumik kinguarsarnagu, pisullu tamaasa eqqarsaatigalugit isumaqatigiissutitsinnut peqqissiminerpit aalajangiunnerata uagutsinnut nalunaarutiginerata tiguneraniit, kingusinnerpaamik ullut 30-it qaangiutsinnagit, ilinninngaaniit akiliutigineqartut, ilaatillugit nassiussinermut aningaasartuutit (taamaattoq uagut neqeroorutigisatsinniit nalinginnaasumik nassiusseriaatsimik akikinnerpaamiit allaanerusumik illit nassiusseriaaserisimasinnaasannut akisunerussutaa ilaatinnagu) tamaasa utertissavagut. Illit erseqqissumik allatut iliortoqarnissaanik akuerinnissimanngikkuit, aallaqqaataaniit akileeriaatsip atorsimasavit assinga atorlugu, akiliutigisimasannik utertitsineq taama ittoq, naammassissavarput.

Malugiuk: Pisininnut ilaannakuusumik peqqissimiguit nassiussuinermut aningaasartuutinut utertitsisoqarnissaa piumasarisinnaanngilat.

Quersuaqarfimmiit ataasiinnarmiit nioqqutissanik inniminniineq imaqarpat, nassiussat tamakkerlutik utertinneqarpata taamaallaat, nassiussuinermut aningaasartuutit utertinneqassapput, tassami nioqqutissat qassiussusaat apeqqutaatinnagu aningaasartuutit assigiimmata.

Illit tamanna sioqqullugu nioqqutissat utertereersimallugit uppernarsarsinnaanngikkukku, nioqqutissat uagutsinnut apuusserlugit, akiliutigisimasanik utertitsineq uninngatikkallarsinnaavarput.

Nioqqutissat peqqissiminissamut pisinnaatitaaffimmut ilaatinneqanngitsut

Nioqqutissat tulliuttut peqqissiminissamut pisinnaatitaaffimmut ilaatinneqanngillat:

1. Illit piumasaqaatitit malillugit sanaartukkat imaluunniit ersarissumik kinaassutsimut ilisarnaatilerlugit nioqqutissat nassiunneqartut.

2. Sukkasuumik nutaanngilisussatut imaluunniit ajortiasutut nalilertarialittut nioqqutissat nassiunneqartut.

3. Nioqqutissat parnaarlugit nassiussat, peqqinnissamik illersuineq- imaluunniit eqqiluisaarnermut tunngasut pissutigalugit utertinneqarnissaminnut naleqqutinngitsut, apuunnerisa kingorna parnaarutaat kipillugit ammakkat.

4. Suussusertik pissutigalu apuunneqarnerminni immikkoortiterneqarsinnaajunnaarlutik nioqqutissanut allanut kattullutik nioqqutissat nassiunneqartut.

5. Nipinik- imaluunniit assilissanik immiussanik imaluunniit qarasaasiap ingerlassutigisaannik aalajangersaatinik parnaarusikkanik nassiussanik apuussinerit, illit parnaarutaannik ammarsimasatit.

6. Qarasaasiap ingerlariaasianik digital-inik imallit atortut imaluunniit paasissutissat tigussaasumik pajugutigineqanngitsut qarasaasiakkut nassiussat, illit sioqqutsisumik erseqqissumik isumaqateqarfigineqarnikkut, illillu peqqissimisinnaatitaanermut pisinnaatitaaffippit atorunnaarneranik akuersinikkut, suliaralugit aallartinneqartut.

Pisiap tiguneraniit ukiunik marlunnik pisiap ajoqutaata iluarseqqunissaanut pisinnaatitaaffeqarputit. Pisiap ajoqutaanik iluarseeqqusinissamut pisinnaatitaaffik isumaqarpoq, ukiut marluk tikillugit nioqqutissap tigunerata kingorna ajoqutit amigaatillu ersertut, naammagittaalliutigisinnaagitit.

Pisoq pineqartoq aalajangersimasoq apeqqutaalluni nioqqutissaq iluarsartissinnaavat, taarsertissinnaavat, akiliutigisimasatit utertissinnaavatit imaluunniit akikillisaavigineqarsinnaallutit. Tunisassiap ajoqutaanik iluarseeqqusinissamut piumasaqarsinnaatitaaffiusoq, amigaataasorlu kukkusumik nioqqutissap atorsimanerata kingunerisaanik allatulluunniit aseruutaasumik pissusilersornikkut pilersimanngitsoq piumasaqaataavoq.

Nioqqutissap amigaateqarneranik malugisaqarnerpit “naammaginartumik piffissap” iluani, nioqqutissap ajoqutaanik iluarseeqqusinissamut piumasaqassaatit. Qaammatit marluk iluanni amigaataasup maluginerata kingorna nioqqutissap ajoqutaanik iluarseeqqusiguit, nioqqutissap ajoqutaanik iluarseeqqusinissamut piffissarititaasoq eqqortinneqarsimajuassaaq.

Sulisunut immikkut ilinniarsimasunut ajoqutinik amigaataasunillu aaqqiinissamut piareersimasunut, illit qanigisanni Pisiffiup pisiniarfiutaani pisisartunut sullissivimmut nioqqutissap ajoqutaanik iluarseeqqusineq pisinnaavoq. Tunisassiamut iluarseqqullugu eqqunneqartumut atortut piusut tamaviisa oqqunnissai akisussaaffigivat.

Sulisut ajoqut iluarsisinnaanngippassuk, nioqqutissaq iluarsaassisarfimmut avataaniittumut nassiunneqassaaq. Tunisassiani aalajangersimasuni, tunisassiap illit pigisavit iluarsaanneqarnerani, tunisassiamik attartortakkamik atorallarsinnaavutit. Pisisartunut sullissivimmut saaffiginnikkuit nioqqutissaq akiliisimaninnullu allagartaq faktura, pisininnut naqinnertut atuuttoq, taamaallaat nassassavatit. Aammattaaq pisiffik.gl-ip pisisartunut sullissiviani nioqqutissap ajoqutaanik iluarseeqqusinermik suliassiissuteqarsinnaavutit.

Pisiatit tigugukkit, ersitsunik ajoqusernerusinnaasunik poortugaq tikisitat misissoqqullugu, peqqujumassavatsigit. Poortuutaa aserornertaqarpat imaluunniit allanik ersitsunik ajoquteqarpat, imaanik aserortoqarsimasinnaanera sillimaffiginerarlugu oqaaseqaatitalerlugu – assartuussinermut uppernarsaataa fragtbrev-itaa atsiussavat. Aammattaaq nioqqutissaq tigujumanngissinnaavat. Nioqqutissaq tigujumasimannginnera pillugu pisisartutsinnut sullissivik piaarnerpaamik attavigiuk.

Nioqqutissaq ajoqutilik ima passutissavat

Pisiffik.gl-imi pisisartutsinnut sullissivikkut nioqqutissap ajoqutaanik iluarseeqqusinissamik piumasaqarniaruit, inniminniinerup normua, tunisassiap suussusaa naatsumillu ajoqutip tamatigut nassuiaassinissannik qinnuigineqarputit. Tamatuma kingorna suliap ingerlaqqinnissaa pillugu attavigineqarumaarputit. Mailikkut webshop@pisiffik.gl-mut attavigitigut.

Pisiat ajoqusersimappat ullut pingasut qaangiutinnginnerani pisisartunut sullissivimmut nalunaarutigineqassaaq. Ullut pingasut qaangiutereerpata nalunaarutigineqarsinnaajunnaassaaq.

Tamatuma saniatigut maalaarut det Grønlandske forbruger- og konkurrencestyrelse-mut tunniunneqarsinnaavoq. https://aua.gl

Pisiffik.gl-imi neqeroorutit pisisartunut ataasiakkaanut sammitinneqarput. Inuussutissarsiortunut tunngatillugu neqerooruteqaqqusineq taamaallaat pineqarpoq.

Nittartakkami akinik kukkusunik ikkussisoqarsimatillugu, tassami taakkua isumamineertumik naatsorsorneqartarmata, sillimaffigeqquarput niueqatigiinneq taamaatiinnarsinnaagatsigu. Taamatuttaaq pisisartunik ataasiakkaanik tamatigut salliutitsiniartuunerput pissutigalugu immikkut pilerisaarutitut akilersorlugit tunisat ataasiakkaat amerlassusaannik killilersuisinnaanermik pisiffik.gl-i imminut pisinnaatimmat sillimaffigeqquarput.

Taamaalilluni inniminniinerup naammassinerani qarasaasiakkut allagarsiaq mail-i nassiussarsiarineqartoq pisiassarsiornermi koorimut ikisanut nalunaarsuutaannaavoq, pisiffik.gl-illu niueqatigiinnerup naammassineratut akuerinninnertut isiginagu. Pisumi inniminniinermi annertussutsit akuerineqanngiffianni, pisisoq piaarnerpaamik pisisartunut ikiuisartunit attavigineqassaaq.

Pisisup tunisaq nassiussarsiani tiguniariarlugu eqqortumik niueqatigiittarnermik atuinermi piumasaqaataasutut misissussavaa. Pisisoq amigaateqarneraaniaruni, pisisup tuniniaasoq erngerluni nalunaarfigissavaa. Pisisup amigaataasoq malugisimaguniuk imaluunniit malugisimasariaqaraluaruniuk allaatigineqartutulli pisiap ajoqutaanik iluarseeqqusisimanani, pisisup kingusinnerusukkut amigaataasutut nalunaarutigisinnaanngilaa. Tuniniaasup amigaataasumik taarsiissanerluni imaluunniit nassiusseqqiinnassanerluni nammineq toqqarsinnaavaa. Tuniniaasup piumasarippagu, pisisup pisiap ajoqutaanik iluarseeqqusinerata kingunitsiannguagut, pisisup akiligaanik aarlerinaataanillu akisussaalluni, nioqqutissaq amigaateqarneragaasoq isumannaatsumik poortorlugu tuniniaasumut utertissavaa. Tuniniaasoq sillimaqqusivoq pisiap ajoquteqartortaannaanik tigusissalluni.

Amigaataalersimasut ajoqusernerillu inuussutissarsiornermut atatillugu pilersimasut pisiap ajoqutaanik iluarseeqqusinertut akuerineqarneq ajorput.

Tunisassianik nassiussineq sunaluunniit tunisassiortup tigussaasuunngitsunik inatsisitigut pisinnaatitaaffii ataqqillugit pissaaq tuniniaasorlu pisisup tamakkununnga pisinnaatitaaffinnut akerliusumik iliuusiinut sunulluunniit akisussaaffeqarani.

Kalaallit Nunaanni inatsisini maleruagassat saneqqunneqarsinnaanngitsut malillugit allamik allassimasoqanngippat pisisup tuniniaasumut taarsiissuteqarnissamik piumasaqaataata nioqqutigineqartumut tunineqartumut pisinermut allagartap fakturap aningaasartaata annertussusaa qaangersinnaanngilaa. Tuniniaasoq qarasaasiami paasissutissanik annaasaqarnermut sumilluunniit akisussaassusermik tigumiaqanngilaq. Taamannattaaq tunisassiat iluarsaanneqarfissaannut tunniussinerup nalaani atuuppoq. Pisisup tunisassiap iluarsartissallugu tunniunnerani atortut pioreersut assilinerinik sanareersimanissani akisussaaffigaa. Pisiffik.gl-ikkut pisinermi arlaatigut kukkusoqarsinnaavoq. Pisiffik.gl-ikkut pisinermi kukkusoqarsimatillugu pisiffik pisinerit atorunnaartissinnaavaa.

Pisinermi akiliutigineqartussaq, ilaatillugit nassiussuinermut aningaasartuutit kiisalu erniaasinnaasut aningaasartuutillu tamaasa akilerneqareerserlugit nioqqutissanut nassiunneqartunut tuniniaasup nammineq piginnittussaatitaanerminut pisinnaatitaaffik sillimaqqusissutigaa. Pisisoq imminut pisussaatippoq nassiussat sillimmasissallugit ajoqusitsaalissallugillu pisinermi akiliutigisassaq tamaat akilereerserlugu.

Pisiffik.gl-imut pisinermi nassiussuinermilu piumasaqaatit Kalaallit Nunaanni eqqartuussisarnerup ataaniitinneqarput taamaattumillu suulluunniit, pisisup pisiffik.gl-imi nioqqutissanik pisiai pillugit, pisisup pisiffik.gl-illu akornanni isumaqatigiinngissutaasut Kalaallit Nunaanni eqqartuussivimmi aalajangiivigineqartassallutik.

Nittartagarput, pisiffik.gl, aammalu nittartakkami kiffartuussiviit assigiinngitsut iserfigigaangakkit (pulaaraangakkit) tumiliornertullusooq qimattakkatit aamma/imaluunniit tunniuttakkatit, illit pillutit inuttut paasissutissat, Pisiffik A/S-ip qanoq atortarnerai tulliuttuni paasissutissiissutigineqassaaq.

Illit pillutit inuttut paasissutissanik katersuineq sioqqullugu paasitinneqaqqaartuartassaatit. Inuttut paasissutissat katersukkagut assersuutigalugu illit atinnik, qarasaasiakkut allagaqaateqarfigisartakkannik e-mail-erisannik, illit najugaqarfigisannik sumiiffimmik, oqarasuaativit normuanik aammalu assingusunik kinaassutsimut paasissutissanik ilaqarsinnaapput.

Inuttut paasissutissat katersorneqartarput makkununngalu atatillugu atorneqartarlutik:

Qarasaasiakkut pisiniarfitsinni inniminniinermik naammassinninneq:

• Inniminniinermut uppernarsaatip nassiunneranut

• Nioqqutissat nassiunnerinut

• Pisiap ajoqutaanik iluarseeqqusinermut

• Utertitsinermut

Qarasaasiakkut pisiniarfitsinni inniminniinermut atatillugu akiliinermut naammassinninnermut:

• Akiliinerup naammassinerata aamma eqqortuunerarneranut atatillugu akiliinermut paasissutissat

• Utertitsineq

• Assingusunik suliaqarfinni malittarisanut naapertuuttumik paasiuminaallisakkatullu paasissutissat nassiunneqartarput

Ilisarnaat imaluunniit atuisutut ammaassutigisartagaq (brugerkonto)

Ilisarnaammik imaluunniit atuisutut ammaassutigisartakkamik (brugerkonto-mik) aqutsineq

Allagarsiatut nutaarsiassat:

Allagarsiatut nutaarsiassanik nassiussuineq

Illit ilaasortaaninnik aqutsineq

  Nioqqutissanik pisinernik kiffartuussinernillu nalunaarsuineq

  Pilerisaarusiornermi tulluarisarsiuussinermut atugassatut

• Uagut aamma/imaluunniit allat tunisassiaannik pilerisaarusiorneq

• Neqeroorutit immikkut ittut

• Pisussat pillugit aggersaarutit, paasissutissiinerit il.il., akikilliliinerit il.il.

Erseqqissaatigissavarput, illit akuersisseeqqaarnak ilinnik attaviginninnissatsinnik inatsit periarfissiinngippat, qulaani eqqaaneqartoq, illit pillutit paasissutissanik atuineq, taamaallaat illit sioqqutsisumik erseqqissumik akuerinninnerit tunniutereerukku, pisassammat.

Siunertat qulaani taaneqartut ilaata ataatsip arlallilluunniit piviusunngortinnissaannut passussinissamik pisariaqartitsiunnaarutta, illit pillutit paasissutissat piiarneqassapput. Paasissutissat kinaassusiiakkatut sivisunerusumik passunneqarsinnaapput toqqorneqarsinnaallutillu.

Illit akuersereersimatinnak, illit pillutit paasissutissat allanut ingerlateqqissanngilagut. Taamaattoq allanut ingerlatitseqqiineq pisuni tulliuttuni eqqaaneqartuni pisinnaavoq:

1. Inatsisitigut ingerlatitseqqiineq piumasaqaataappat

2. Eqqartuussisulersuussinermut imaluunniit eqqartuussisulersuussisinnaanermut atatillugu ingerlatitseqqiineq piumasaqaataappat

3. Inatsisitigut pisinnaatitaaffigut aalajangiunniarlugit, atorniarlugit imaluunniit illersorniarlugit ingerlatitseqqiineq piumasaqaataappat

Nittartakkatsinni cookies (qarasaasiakkut atuisut pissusilersornerinik paasissutissanik katersissutit) atugaraagut

Isumannaallisaanermut aalajangersakkanut pitsaasuunissaannik pingaartitatsinnut aammalu, paasissutissanut avatangiisini immikkut isumannaatsuni nalunaarsukkatsinnut, toqqortaatitsinnut aamma passutatsinnut, ilutsinni periaatsigut naapertuunnersut qulakkeerniarlugu isumannaallisaanermik iliuusissanik ikkussuisimavugut. Pisiffik.gl-imi sulisut tatigilluinnakkat imaluunniit avataani qarasaasiamik paasissutissanik passussisartut kisivimmik, illit pillutit paasissutissanut passutatsinnut isersinnaapput, ilitsersuinerput naapertorlugu paasissutissanik passussisarlutik. Taamaalilluta illit pillutit paasissutissat pitsaassusiisa aammalu assuarnaassusaasa illersornissaat ilungersuutigaarput.

Illit pillutit paasissutissat atornerlunneqannginnissaat qulakkeerniarlugu atuisutut paasissutissanik isertaatinillu allanut tunniussinngisaannartariaqarputit.

Illit pillutit passutatsinnik, paasissutissanik takunnissinnaanermik pisinnaatitaaffeqarputit, taamaattoq inatsisini aalajangersakkanik ilaanngitsortaqartunik. Aammattaaq inuttut illit pillutit paasissutissanik katersuinermut aamma passusseqqinnermut akerliliinissamut pisinnaatitaaffeqarputit. Tamatuma saniatigut aammattaaq, tamatuminnga pisariaqartitsisoqassappat, inuttut illit pillutit paasissutissat iluarsitissallugit pisinnaatitaaffeqarputit.

Nittartagarput nittartakkanut allanut ingerlaqqiffissianik imaluunniit nattartakkatsinnut ilaatinneqartunik quppernernik, assersuutigalugu ViaBill-imik (tassaasoq akiliissut) imaqarsinnaavoq. Allat suliffeqarfiit nittartagaannut imaluunniit inuit pillugit paasissutissanik katersuinermut atatillugu periaasiinut akisussaaffeqanngilagut. Nittartakkat allat iserfigigaangakkit, inuit pillugit paasissutissat illersorneqarnissaat aammalu aalajangersakkat allat attuumassutillit eqqarsaatigalugit, kajumissaarneqarputit piginnittuisa ingerlatsinermut aalajangersagaannik atuartaqqullutit.

illit pillutit nalunaarsorsimasagut Inuttut paasissutissat nutarsassagigut, allanngortissagigut imaluunniit piiassagigut kissaatigigukku, imaluunniit uagutsinniit nalunaarutinik peqqikkusunngikkuit, imaluunniit malittarisassanut qulaani eqqaaneqartunut apeqqutissaqaruit, tulliuttumut najukkamut saaffiginnissinnaavutit:

Saqqummersitsisoq

Nittartakkamik piginnittoq aamma saqqummiussisoq

Pisiffik A/S

Postboks 61

3900 Nuuk

Grønland

Oqarasuaat: +299 38 11 00

Qarasaasiakkut allagaqartarfik, E-mail: webshop@pisiffik.gl