Aningaasaliisarnermut politikki
Tunuliaqut
Ilisimalluinnarparput Pisiffimmi suliffeqarfissuartut Kalaallit Nunaanni inuiaqatigiinnilu inissisimaffitta pisussaaffiliinera. Kalaallit Nunanni peqatigiiffinnut, suliffeqarfinnut aaqqissuussanullu tapersersuisinnaanerput tunniussisinnaanerpullu nuannaarutigaarput.
Taamaammat Pisiffiup piujartisinissamut periusissiaanut ”Nerisassat, Avatangiiseq Inuillu” naapertuuttumut, suliniutinut aaqqissuussanullu Kalaallit Nunaannut ineriartuutaasinnaasunut, inoqatigiit akornanni, aningaasaqarnikkut imaluunniit piujuartitsinermut tunngasunut Pisiffik aningaasaliisarpoq.
Politikki Aningaasaliisarnitsigut kissaatigaarput inuiaqatigiinni ineriartortitseqataasinnaasunut pilersitseqataanissarput aammalu illoqarfinni akuunerput ersarinnerulersikkusullugu ukunani Ilulissat, Aasiaat, Sisimiut, Maniitsoq, Nuuk aammalu
Qaqortoq.
Pisiffiup piujuartitsineq pillugu periusissiaani ”Nerisassat, Avatangiiseq Inuillu” suliniuteqarfinnut arfiniliusunut aaqqissuussat ikorfiisuunissaat Pisiffimmut tunngaviuvoq. Aningaasaliissutit sapinngisamik illoqarfinni tamani agguataarniarneqartarput. Isumaqanngilaq aaqqissuussaq ataaseq illoqarfinnut tamanut atuutissasoq. Suliniutit annerit aningaasaliiffiginissaat Pisiffiup orniginartinneruaa.
Aningaasaliinissamut piumasaqaatigut
Saaffiginnissutit amerlasuut tigusarpagut aningaasaliiffiginiakkattalu toqqarniarnerini piffissaq ungasinnerusoq eqqarsaatigalugu inuiaqatigiinni piujuartitsisumik kinguneqartitsisinnaasut isiginiarnerusarlugit. Assersuutaasiinnaapput suleqatigiinnerit nutaat, aallartisaanerit suliniutilluunniit sivisuumik ingerlasussat.
Aningaasaliinigut immikkoortinneqartarput Pisiffiup periusissiaata suliaanut ikorfiisut
aallaavigalugit, ukuuppullu
- Suleqatigiissutit suliniutilluunniit najukkami nioqqutissianik (inuussutissanik) siuarsaasut
- Suliniutit peqqissutsimut siuarsaasut uku ukkatarinerullugit annerusumik akisussaassuseqartumik
aalakoornartumik atuineq peqqinnartunillu nerisaqarneq - Suliniutit aaqqissuussallu meeqqanut inuusuttunullu suli 18-liineqanngitsunut pitsaanerusunik
atugassaqartitsillutillu ilinniagaqartitsisut - Angerlarsimaffinni peqatigiiffinnilu nerisassanik maangaannartitsinermik annikinnerulersitsiniartunik
suliniutit sammisaqartitsinerillu - Suliniutit sammisaqartitsinerillu silap pissusaata allanngoriartorneranik annikillisaasut
Aningaasaliinermi isumaqatigiissutip suliassamut tunngasumut isumaqatigiissutaanera aningaasaliiffigineqartup
akuersaassagaa piumasaqaataavoq.
Qinnuteqaatit tunngaviusumik ukiumut sisamariarluta suliarisarpagut. Sapinngisamik suliarineqarneri
qaangiukkaangata qinnuteqartut akissuteqarfigineqartassapput.
Qinnuteqaatinni paasissutissat uku ilanngutissavatit:
- Suliniummut aningaasat atugassatut suliarilluakkamik naatsorsuusiaq
- Suliniutip nassuiarnera, piffissaq atugassaq, inernissaatut naatsorsuutit, inuttassat suleqataaffigineqassappallu
suleqatigineqartussat ilanngullugit - Qanoq ililluni aningaasaliiffigitinnissaq Pisiffiup piujuartitsineq pillugu periusissiaanut naapertuunnersoq
nassuiaat
- Qanoq ililluni aningaasaliineq aaqqissuussinermut iluaqutaassanersoq aammalu allanik
aningaasaliisoqarneranik nassuiaaneq - Pisiffiup aningaasaliisuunerata ersarissarnissaanut pilersaarut
Qinnuteqaatit tamarmik ataani immersugassaq aqqutigalugu nassiunneqassapput. Apeqqutit uunga
nassiunneqarsinnaapput sponsor@pisiffik.gl