CSR-imi periusissiarput taaguuteqartipparput Pisiffik Nuan. Taamaaliorsimavugut inuiaqatigiinnut akisussaaffeqarnitsinni inuiaqatigiinnut tunniussassatta nuannersumik kingunerisassarpassui naqissuserniarlugit. Allamimmi nuannernerusoqanngilaq, Nuan.

Pisiffik Nuan-imi takorluugaraarput Kalaallit Nunaanni niueqatigiinnermi aningaasatigut atajuartitseqqataanissaq, inuussutissasiorfinni inuuniutit nalinginik qaffassaaqataanissaq aningaasarsiornermilu tunngavileeqataanissaq. Tamanna isumaqarpoq Pisiffiup suliffeqarfittut eqqarisat qaninnerit CSR-ikkut suliniuteqarnermi qitiutinnissaat: Niuernermi, foodservicemi sulisullu ineriartortinnerini misilittakkatta ilisimasattalu kalaallini niueqatigiinnerup foodservicellu qaffasissusaanik pitsanngorsaanissaq, taamaalilluni sullitanut, suleqatinut, inuiaqatigiinnut avatangiisinullu iluaqutissanngortussanngortillugit.

Pisiffik niueqatigiiffiinnaanngilaq. Suliffeqarfittut Kalaallit Nunaanni annerpaanut ilaavoq, sumiiffinnilu assigiinngitsuni Pisiffik kisiartaalluni nioqqutissanik aalingersimasunik tuniniaasuulluni. Tamannalu pisussaaffiliivoq. Sullitagut eqqarsaatigiinnarnagit, sumiiffinnili aningaasatigut ineriartornerlu aamma eqqarsaatigalugit. Pimoorussinerput siammasippoq, ilaatigullu sumiiffinni nioqqutissarsiniartarnitsinnit illoqarfinni assigiinngitsuni suleqataanerput, taamaalilluta Kalaallit Nunaanni suliaqarnermi nukittorsaaqataanerput, imaralugu.

Pisiffimmi ’Ataatsimut naleqartitsineq’ suliaraarput, suliniutigullu Pisiffimmut inuiaqatigiinnullu naleqarnerusumik iluaqutaasussat aallaavigalugit pingaarnersiortarlugit. Pisiffiup inuiaqatigiinnut unammillernartunut CSR-ikkut suliaqarnera suliffeqarfitsinnut attuumassuteqarnerpaasoq eqqarisamut qaninnermut tunniussisinnaanerpaaffigigaa isumaqarpugut.

Pisiffik Nuan taamaammat niuernitsinnut ikorfiivoq, Pisiffiullu suliffeqarfittut periusissiamini anguniagaanut ilaalluni.